اتوار 6 رمضان 1442ﻫ - 18 اپریل 2021

وزیراعظم عمران خان کی زیرصدارت وفاقی کابینہ کا اجلاس کل اسلام آباد میں ہو گا۔

تفصیلات کے مطابق وزیراعظم عمران خان اجلاس کی صدارت کرینگے، اجلاس کے ایجنڈے میں سر فہرست کورونا وائرس کی وبائی صورت حال سے نمٹنے کی حکمت عملی کا جائزہ لینا ہے،اس کے علاوہ کابینہ ملک کی معاشی و سیاسی صورتحال پر بھی غور کرے گی۔

اجلاس کے ایجنڈے کے مطابق کابینہ رمضان میں اشیائے خوردونوش کی فراہمی یقینی بنانے کے حوالے سے اقدامات کا جائزہ لے گی جبکہ رابطہ کمیٹی کے فیصلوں کی توثیق کی جائے گی۔

ایجنڈے کے مطابق وفاقی کابینہ پاک عرب ریفائنری بورڈ آف ڈائریکٹرزکی تشکیل نو کی منظوری دے گی ساتھ ہی پیٹرولیم ڈویژن کی سرکاری کمپنیوں میں ڈائریکٹرز کی خالی اسامیوں پرنامزدگی کی منظوری دئیے جانے کا امکان ہیں،پاکستان پیٹرولیم کمپنی، سوئی نادرن گیس، پاکستان منرل ڈویلپمنٹ، آئل اینڈ گیس کمپنی میں نامزدگیاں کی جائیں گی۔

اس کے علاوہ آئی ایم ایف کے ساتھ طے شدہ پروگرام کی شرائط کے تحت توانائی شعبے کی سرکاری کمپنیوں میں ماہرین پر مبنی بورڈز کی تعیناتی کرنا ہے۔

یہ بھی دیکھیں

وزیراعظم عمران خان کا بے گھر افراد کو چھت کی فراہمی کا وعدہ پورا ہونے لگا۔ 

وزیراعظم عمران خان کا بے گھر افراد کو چھت کی فراہمی کا وعدہ پورا ہونے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے