جمعرات 3 رمضان 1442ﻫ - 15 اپریل 2021

کرونا سے متاثرہ وہ اشخاص جنھوں نے گھر پر آئی سولیشن اختیار کر رکھی ہے ۔ ان کے ساتھ رہنے والے اہلخانہ کے لیے ضروری ہدایات

کرونا سے متاثرہ وہ اشخاص جنھوں نے گھر پر آئی سولیشن اختیار کر رکھی ہے ۔ ان کے ساتھ رہنے والے اہلخانہ کے لیے ضروری ہدایات

1-گھر کے فقط ایک فرد کا تعین کیا جائے جو کرونا سے متاثرہ فیملی ممبر کے کمرے میں داخل ہو سکے ۔ بہتر ہوگا کہ کسی ایسے فرد کا انتخاب کیا جائے جو جوان اور صحت مند ہو اور جسے کوئی بیماری نہ ہو۔

2- گھر میں مہمانوں کے آنے پر مکمل پابندی لگا دیں

3- کچن ،باتھ روم کا ہوادار ہونا بے حد ضروری ہے –

4- متاثرہ شخص کے کمرے میں داخل ہونے سے پہلے منہ اور ناک کو فیس ماسک سے ڈھانپ لیں ۔ جب آپ نے فیس ماسک پہن رکھا ہو تو اسے ہاتھ لگانے سے گریز کریں۔

5- متاثرہ شخص کے کمرے کی کسی چیز کو ہاتھ لگانے سے پہلے ڈسپوزایبل گلوز کا استعمال کرنا لازمی ہے-

6- متاثرہ شخص کے تھوک، بلغم، سے جتنا ممکن ہو خود کو دور رکھیں۔ اس شخص کی منہ اور سانس کی نالی سے خارج ہونے والی رطوبتیں آپ کے جسم کے کسی حصے سے نہ لگ پائیں۔

7- متاثرہ شخص کے کمرے سے نکلنے کے فورا بعد اپنے ہاتھوں کو صابن اور پانی کی مدد سے کم از کم بیس سیکنڈ کے لیے اچھی طرح دھو لیں۔ سینی ٹائزر کا استعمال بھی کیا جاسکتا ہے۔

8- متاثرہ شخص کے کمرے کی دن بھر میں کم از کم ا یک بار کسی جراثیم کش محلول سے صفائی لازمی ہونی چاہیے۔ صاف کی جانی والی چیزوں میں دروازے کے ہینڈل، لائٹ کے بٹن، ٹوائیلٹ اینڈ باتھ روم، فرنیچر، بیڈ، سائیڈ ٹیبلز و دیگر شامل ہیں۔

9- صفائی کے لیے بلیچ ،صابن یا پھر ایسے سینیٹائیزر کا استعمال کیا جاسکتا ہے جس میں ستر فیصد الکوحل شامل ہو۔

10- کمرے کی صفائی کے دوران ایپرن اور گلوز کا استعمال لازمی ہے-

11- متاثرہ شخص کے زیر استعمال رہنے والی لانڈری کو کمرے میں الگ سے رکھنا چاہیے۔متاثرہ شخص کے زیر استعمال بیڈ شیٹس اور کپڑوں کو دیگر گھر والوں کی لانڈری کے ساتھ نہ دھویا جائے۔

12- متاثرہ شخص کی لانڈری کو گرم پانی اور صابن سے دھویا جائے۔
13- متاثرہ شخص کے زیر استعمال گلوز،ٹشو پیپرز،ماسکس،اور دیگر اشیا کو کمرے سے باہر نکالتے وقت کسی شاپر میں ڈال کر اچھی طرح سیلڈ کرلیا جائے۔

14- متاثرہ شخص کے کھانے پینے کے برتن علیحدہ کردیے جائیں۔ برتنوں کی دھلائی گرم پانی اور صابن سے کی جاسکتی ہے مگر ڈسپوزایبل برتنوں کا استعمال زیادہ بہتر ہے
15- تمام گھر والے بار بار اپنے ہاتھوں کو دھوتے رہیں ۔ اور اپنی صفائی کا بھرپور خیال رکھیں۔

ڈاکٹر فیضان قیصر
کنسلٹنٹ فزیشن

یہ بھی دیکھیں

وزیراعظم عمران خان کا بے گھر افراد کو چھت کی فراہمی کا وعدہ پورا ہونے لگا۔ 

وزیراعظم عمران خان کا بے گھر افراد کو چھت کی فراہمی کا وعدہ پورا ہونے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے