اتوار 3 ذوالقعدہ 1442ﻫ - 13 جون 2021

کرونا کے مریض کی موت سے قبل آنکھیں کھول دینے والی آخری فیس بک پوسٹ

امریکا میں کرونا وائرس سے ہلاک ہونے والے شخص کی اپنی موت سے قبل فیس بک پر شرمندگی اور پچھتاوے سے بھری پوسٹ لگائی جس میں اس نے کرونا کا شکار ہونے کی وجہ بھی بتائی اور لوگوں کو کرونا سے بچنے کیلئے حفاظتی تدابیر استعمال کرنے کا مشورہ بھی دیا
امریکی ریاست کیلی فورنیا میں 51 سالہ شخص ٹومی میکائس نے ایک پارٹی میں شرکت کی تھی جس کے ایک ہفتے بعد اس میں کرونا وائرس کی علامات ظاہر ہونا شروع ہوئیں۔ جب اس نے اپنا کرونا ٹیسٹ کرایا تو وہ مثبت نکلا۔
ٹومی میکائس نے فیس بک پر اپنی پوسٹ میں شرمندگی اور پچھتاوے کا اظہار کیا اور لکھا کہ وہ چند روز قبل باہر گئے تھے جہاں سے وہ کرونا وائرس کا شکار ہوگئے۔
ٹومی نے مزید لکھا کہ واپس آکر انہوں نے اپنی والدہ اور بہنوں کی زندگی کو خطرے میں ڈال دیا ہے اور صحت کے خطرات سے دوچار کردیا ہے۔
ٹومی میکائس نے لوگوں کو مشورہ دیتے ہوئے کہا کہ جو حماقت میں نے کی ہے وہ آپ مت کریں اور گھر سے باہر نکلتے ہوئے ماسک ضرور پہنیں۔
ٹومی میکائس کی بھانجی لوپیز نے بتایا کہ شروع میں ہمیں محسوس کہ ان کی حالت شوگر کی وجہ سے خراب ہوئی ہے لیکن بعد میں علم ہوا کہ وہ کرونا وائرس کا شکار ہوچکے ہیں۔
لوپیز کے مطابق ٹومی انکل نے ہمیں فون کیا اور بتایا کہ انہیں سانس لینے میں بہت تکلیف کا سامنا ہے، انہوں نے ایمبولینس بلوائی ہے اور وہ اسپتال جا رہے ہیں۔
بھانجی کا کہنا ہے کہ ابتدا میں اسپتال میں انہیں آکسیجن دی گئی، تاہم ان کی حالت بگڑتی گئی جس کے بعد انہیں وینٹی لیٹر پر منتقل کیا گیا۔ اس کے ایک گھنٹے کے اندر اندر وہ چل بسے۔
لوپیز کے مطابق اس پارٹی میں ایک شخص ایسا تھا جو کرونا کا شکار تھا لیکن اس نے ماسک نہیں پہن رکھا تھا، میرے انکل کے علاوہ پارٹی میں شرکت کرنے والے مزید 14 افراد بھی وائرس کا شکار ہوگئے ہیں، اگر ان سب نے ماسک پہنے ہوتے تو ایسا نہ ہوتا۔

یہ بھی دیکھیں

وزیراعلیٰ سندھ سیدمراد علی شاہ کا کورونا وائرس کی صورتحال سے متعلق بیان۔ 

وزیراعلیٰ سندھ سیدمراد علی شاہ کا کورونا وائرس کی صورتحال سے متعلق بیان۔ گزشتہ 24 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے