جمعرات 3 رمضان 1442ﻫ - 15 اپریل 2021

بھارت : کورونا وائرس کے بعد سیلاب نے تباہی مچادی

بہار : بھارت کی ریاست بہار جہاں ایک طرف کورونا وائرس کا انفیکشن تیزی سے پھیل رہا ہے تو وہیں دوسری جانب سیلاب نے روزمرہ کی معمولاتدرہم برہم کردی ہے۔
بھارتی ریاست بہار میں سیلاب نے اب تک 10 اضلاع کے 3 ہزار سے زیادہ گاؤں کو اپنی زد میں لے لیا ہے۔ سرکاری اعداد وشمار کے مطابق ریاست میں سیلاب سے دس افراد ہلاک جبکہ 8 لاکھ سے زیادہ افراد متاثر ہوئے ہیں۔
بہار کے دس اضلاع کے تقریبا 3 ہزار گاؤں سیلاب سے متاثر ہوئے ہیں۔ بہار میں گنڈک اور کوسی سمیت متعدد ندیوں کے پانی کی سطح میں اضافے کی وجہ سے سیلاب کی صورتحال سنگین ہوگئی ہے۔
گنڈک ندی خطرے کے نشان کو عبور کرچکی ہے، اس کے علاوہ کھیتوں میں دھان اور مکئی کی فصلیں پوری طرح برباد ہوچکی ہیں، سیلاب سے کسانوں کا بھاری نقصان ہوا ہے، کسانوں کا نقصان ان کی مویشیوں کی ہلاکت کی وجہ سے زیادہ ہوا ہے۔
بہار میں سیلاب کا قہرندیوں میں ہو نے والے مسلسل کٹاؤ کے باعث متعدد سرکاری اسکولوں کی عمارتیں بھی زمین بوس ہو گئی ہیں۔ وہیں مختلف دریاؤں کے کٹاؤ سے 15 سو سے زیادہ مکان زمین بوس ہو چکے ہیں۔
سطح آب میں اضافے کی وجہ سے دربھنگہ اور سمستی پور ریلوے لائن پر ٹرینوں کی آمدورفت بھی روک دی گئی ہے۔ اس کے علاوہ مشرقی چمپارن میں بند ٹوٹ جانے سے درجنوں گاؤں میں سیلاب کا پانی بھر گیا ہے جس کی وجہ سے گوپال گنج، بیتیا، مظفر پور وغیرہ اضلاع کے متعدد علاقے سیلاب کی زد میں ہیں۔

یہ بھی دیکھیں

لاہور: وزیراعلیٰ پنجاب سردار عثمان بزدار نے کینسر کے مریضوں کو مفت ادویات کی فراہمی کیلئے فنڈز کے اجراء کی منظوری دے دی

لاہور: وزیراعلیٰ پنجاب سردار عثمان بزدار نے کینسر کے مریضوں کو مفت ادویات کی فراہمی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے