اتوار 3 ذوالقعدہ 1442ﻫ - 13 جون 2021

فنکار ہماراقیمتی اثاثہ، انکی مشکلات کا حل ہماری ذمہ داری ہے۔ میاں اسلم اقبال

تھیٹرز کھولنے کا معاملہ این سی اوسی کے اجلاس میں رکھوں گا، امید ہے مثبت خبر ملے گی
14اگست سے قبل تھیٹرز کھلوانے کی پوری کوشش کروں گا
حکومت فنکاروں کی فلاح و بہبود کے لئے مزید اقدامات کرے گی، صوبائی وزیر صنعت و تجارت

صوبائی وزیر صنعت و تجارت میاں اسلم اقبال سے چیئرمین پنجاب آرٹسٹ پروڈیوسر تھیٹر ایسوسی ایشن قیصر ثناء اللہ خان کی قیادت میں وفد نے ملاقات کی۔ سول سیکرٹریٹ میں ہونے والی ملاقات میں وفد نے تھیٹر کی بندش سے آرٹسٹوں اور تھیٹر سے وابستہ افراد کی معاشی مشکلات سے آگاہ کیا۔ وفد کا کہنا تھا کہ تھیٹر کی بندش سے آرٹسٹس انتہائی مشکل حالات سے گزر رہے ہیں، تھیٹر کھولنے کی اجازت دی جائے وفد نے یقین دہانی کرواتے ہوئے کہا ہے کہ حکومتی ایس اوپیز پر عملدرآمد یقینی بنائیں گے۔ وفد کا کہنا تھا کہ تھیٹر کی مسلسل بندش سے لوگوں میں خوشیاں بانٹنے والے خود کرب سے گزر رہے ہیں۔ انہوں نے اپیل کی کہ محرم کی آمد سے قبل تھیٹر کھولنے کی اجازت دی جائے، تاکہ ہم اپنے بچوں کے لیے روزی کما سکیں۔صوبائی وزیر صنعت و تجارت میاں اسلم اقبال نے کہا ہے کہ حکومت تھیٹر کی بندش سے آرٹسٹوں کی مشکلات سے آگاہ ہے۔ انہوں نے کہا کہ فنکار ہماراقیمتی اثاثہ، انکی مشکلات کا حل ہماری ذمہ داری ہے۔ تھیٹرز کو کھولنے کا معاملہ این سی او سی کے اجلاس میں رکھوں گا۔14اگست سے قبل تھیٹرز کھلوانے کی پوری کوشش کروں گا۔ قوی امید ہے کہ این سی او سی کے اجلاس سے مثبت خبر آئے گی۔میں نے اپنی وزارت اطلاعات کے دوران آرٹسٹوں کی فلاح کے لئے متعدد اقدامات کئے۔ حکومت فنکاروں کی فلاح و بہبود کے لئے مزید اقدامات کرے گی۔ وفد میں راشد محمود، افتخار ٹھاکر، سرفراز وکی اور دیگر شامل تھے۔

یہ بھی دیکھیں

وزارتِ مذہبی امور نے کرونا وبا ء کےسلوگن کے حوالے سے نوٹیفکیشن جاری کردیا۔  حکام مذہبی امور

وزارتِ مذہبی امور نے کرونا وبا ء کےسلوگن کے حوالے سے نوٹیفکیشن جاری کردیا۔  حکام …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے